Ислом Каримов Фонди

Хорижда таҳсил учун грантлар

Ариза жўнатиш     Ҳужжат намуналари (*rar архиви)    Telegram   

Каримов Фонди хориж олийгоҳларида таҳсил олиш учун Ўзбекистон иқтидорли ёшлари орасида III-грантлар танловини эълон қилади  

Каримов Фонди Ўзбекистоннинг иқтидорли ва истеъдодли йигит-қизлари ўртасида хорижий олий таълим муассасаларида таҳсил олиш учун учинчи грантлар танловини мамнуният билан эълон қилади. Каримов Фондининг янги таълим грантлари қуйидаги мутахассисликлар бўйича Европанинг олий таълим муассасаларида магистратура босқичида таҳсил олиш имконини беради:

  • Қайта тикланувчан энергия манбалари;
  • Кимё. Кимё технологияси;
  • Сув ва ер ресурсларини бошқариш;
  • Машинасозлик технологиялари;
  • Архитектура. Бино ва иншоотларни қуриш;
  • Автомобиль йўллари, кўприклар, тоннеллар, йўл ўтказгичлар ва аэродромларни лойиҳалаш ва қуриш;
  • Текстиль саноати технологиялари ва ускуналари;
  • Туризм хизматларини ташкил этиш ва бошқариш;
  • Ахборот хизматлари ва жамоатчилик билан алоқалар;

Танловда инглиз, немис ёки француз тилларини аъло даражада билган, Ўзбекистон ёки чет эл олий таълим муассасасини битирган ёки унинг сўнгги курсида таҳсил олаётган, ёши 35дан ошмаган Ўзбекистон фуқаролари иштирок этиши мумкин.

Грант совриндорларининг чет элда таҳсил олиш ва яшаш харажатлари (2 йилгача) Фонд томонидан молиялаштирилади.

Танловда иштирок этиш учун ҳужжатлар онлайн қабул қилинади:

https://goo.gl/forms/vNSA6KLY2JDOA86h1

(рўйхатдан ўтиш учун кўрсатилган ҳавола 2018 йил 5 ноябрдан 24 ноябргача амалда бўлади)

Танловда иштирок этиш учун тақдим этиладиган ҳужжатлар рўйхати:

  • Фонд томонидан тасдиқланган шаклдаги танловда иштирок этишга ариза;
  • танлов иштирокчисининг шахсий анкетаси;
  • танлов иштирокчиси томонидан имзоланган «Чет эл олий таълим муассасаларида магистрлик дастури бўйича таҳсил олиш учун Каримов фонди грантини олиш бўйича ўтказиладиган  III-танлов Низоми» Кўчирмаси;
  • олий таълим муассасаси ректори (ташкилот, корхона, муассаса раҳбари) номидан танловда муносиб номзод сифатида иштирок этиши тўғрисидаги Тавсиянома ёки олий таълим муассасасидан охирги босқичда муваффақиятли таҳсил олаётганлиги тўғрисида маълумотнома;
  • паспорт рангли нусхаси;
  • олий таълим муассасасини битирганлиги тўғрисидаги Диплом нусхаси.

Танлов тўғрисидаги янгиликлар ва тақдим этиладиган ҳужжатлар намуналари Каримов Фонди грантларига бағишланган махсус телеграм-каналда ҳавола этилган: https://t.me/GrantFondKarimov

Диққат!!!

Ҳужжатлар топшириш муддати чекланган – 2018 йил 5 ноябрдан – 24 ноябргача.

Батафсил маълумот учун телефонлар:

+99871 2373420, +99871 2373813

e-mail: info@fondkarimov.uz

Кўп бериладиган саволларга жавоблар

 

_______________________________________________________________________________________________________________

Каримов Фонди таълим грантлари ҳақида

Каримов Фонди 2016 йил октябрда Лола Каримова-Тилляева ва Татьяна Каримова томонидан Мустақил Ўзбекистон асосчиси ва биринчи Президенти Ислом Каримовнинг хотирасига бағишлаб таъсис этилган. Хориждаги пешқадам университетларда таҳсил учун иқтидорли ёшларга грантлар ажратиш Фонд фаолиятининг асосий йўналишларидан ҳисобланади.

Сўнгги 2 йил мобайнида 22 нафар ўзбекистонлик йигит ва қизлар Каримов Фондининг таълим грантлари орқали Германия, Италия, Чехия, Россия ва Польшанинг пешқадам олийгоҳларида таълим олиш имкониятига эга бўлдилар.

 

Каримов Фондининг Европа ва АҚШ олий таълим муассасаларида магистратура босқичида таҳсил олиш бўйича иккинчи танлови 2017 йил октябрда эълон қилинди. Унда Ўзбекистондаги 39 та олий ўқув юртининг 320 нафардан ортиқ битирувчиси иштирок этди. 

Танлов якунига кўра 10 нафар йигит-қизлар Фонднинг 2018 йилги таълим грантлари соҳиби бўлди.

Танлов қайта тикланувчи энергия манбалари, кимё, сув ва ер ресурсларини бошқариш, машинасозлик технологиялари, озиқ-овқат технологиялари, озиқ-овқат хавфсизлиги, маҳсулот ишлаб чиқариш ва маркетинг, архитектура, шаҳарсозлик, тарихий обидаларни муҳофаза этиш ва қайта тиклаш, дизайн, маҳсулот дизайни, саноат ва меъморчилик дизайни, рассомлик каби 13 та мутахассислик бўйича ўтказилди.

 

Фонднинг таълим грантлари соҳасидаги илк лойиҳаси 2017 йилнинг январь ойида Европа ва АҚШ олий таълим муассасаларининг магистратура босқичида таҳсил олиш учун табиий фанлар (қайта тикланувчи энергия манбалари ва кимё), сув ва ер ресурсларини бошқариш, машинасозлик технологиялари, озиқ-овқат технологиялари, озиқ-овқат хавфсизлиги, озиқ-овқат ишлаб чиқариш ва маркетинги, архитектура (шаҳарсозлик, тарихий обидаларни муҳофаза этиш ва қайта тиклаш), дизайн (маҳсулот дизайни, саноат ва меъморчилик дизайни), рассомлик мутахассисликларидан эълон қилинган эди.

Танловда 300та номзод иштирок этиб, улардан 12 нафар иштирокчи Каримов Фондининг грантлари соҳиби бўлиб, Ангальт амалий фанлар университети, Дуйсбург Эссен, Рур ва Фрайбург университетлари (Германия), Москва меъморчилик мактаби ҳамда Турин политехника университети (Италия) каби нуфузли чет эл олий ўқув юртларида таълим олиш имкониятига эга бўлди.

Ғолиблар 2017 йилнинг октябрь ойида ўқишни бошладилар.

 

Каримов Фонди таълим йўналишида Ватанимиз ёшларининг Ўзбекистонда ва хорижда юксак билим олишига ҳар томонлама кўмаклашади. Ўзбекистонлик ёшлар дунёнинг пешқадам олий ўқув юртларида таҳсил олиши йўлида мамлакатимиз ва хориждаги етакчи университетлар билан мулоқот ўрнатиб, музокаралар олиб боради.

Фонд иқтидорли ёшларнинг юртимиз ва хориж олий ўқув юртларида таҳсилини ташкил этиш мақсадида ҳужжатлар қабул қилиш, саралаш ва синовлар уюштириш борасида тизимли чора-тадбирларни амалга оширади, грант ғолибларининг ўқиш ва яшаш харажатларини молиялаштиради. Фонд ходимлари ҳар жиҳатдан кўмак кўрсатиш мақсадида стипендия ғолиблари билан доимий мулоқотда бўлиб, юзага келадиган турли

 

Fikr bildirish yopilgan.