Ислом Каримов Фонди

Хорижда таҳсил учун грантлар

Ислом Каримов номидаги фонднинг 2018 йилдаги таълим грантлари танлови

Ариза жўнатиш     Ҳужжат намуналари

Ислом Каримов номидаги фонднинг Европа ва АҚШ олий таълим муассасаларида магистратура босқичида таҳсил олиш бўйича иккинчи танлови 2017 йил октябрда эълон қилинди. Унда Ўзбекистондаги 39 та олий ўқув юртининг 320 нафардан ортиқ битирувчиси иштирок этди. 

Танлов якунига кўра 11 нафар йигит-қизлар Фонднинг 2018 йилги таълим грантлари соҳиби бўлди.

Танлов қайта тикланувчи энергия манбалари, кимё, сув ва ер ресурсларини бошқариш, машинасозлик технологиялари, озиқ-овқат технологиялари, озиқ-овқат хавфсизлиги, маҳсулот ишлаб чиқариш ва маркетинг, архитектура, шаҳарсозлик, тарихий обидаларни муҳофаза этиш ва қайта тиклаш, дизайн, маҳсулот дизайни, саноат ва меъморчилик дизайни, рассомлик каби 13 та мутахассислик бўйича ўтказилди.

Ислом Каримов номидаги фонднинг 2017 йилдаги таълим грантлари танлови

Фонднинг таълим грантлари соҳасидаги илк лойиҳаси 2017 йилнинг январь ойида Европа ва АҚШ олий таълим муассасаларининг магистратура босқичида таҳсил олиш учун табиий фанлар (қайта тикланувчи энергия манбалари ва кимё), сув ва ер ресурсларини бошқариш, машинасозлик технологиялари, озиқ-овқат технологиялари, озиқ-овқат хавфсизлиги, озиқ-овқат ишлаб чиқариш ва маркетинги, архитектура (шаҳарсозлик, тарихий обидаларни муҳофаза этиш ва қайта тиклаш), дизайн (маҳсулот дизайни, саноат ва меъморчилик дизайни), рассомлик мутахассисликларидан эълон қилинган эди.

Танловда 300та номзод иштирок этиб, улардан 12 нафар иштирокчи Ислом Каримов номидаги Фонд грантлари соҳиби бўлиб, Ангальт амалий фанлар университети, Дуйсбург Эссен, Рур ва Фрайбург университетлари (Германия), Москва меъморчилик мактаби ҳамда Турин политехника университети (Италия) каби нуфузли чет эл олий ўқув юртларида таълим олиш имкониятига эга бўлди.

Ғолиблар 2017 йилнинг октябрь ойида ўқишни бошладилар.

Ислом Каримов номидаги Фонднинг таълим грантлари

Ислом Каримов номидаги фонд таълим йўналишида Ватанимиз ёшларининг Ўзбекистонда ва хорижда юксак билим олишига ҳар томонлама кўмаклашади. Ўзбекистонлик ёшлар дунёнинг пешқадам олий ўқув юртларида таҳсил олиши йўлида мамлакатимиз ва хориждаги етакчи университетлар билан мулоқот ўрнатиб, музокаралар олиб боради.

Фонд иқтидорли ёшларнинг юртимиз ва хориж олий ўқув юртларида таҳсилини ташкил этиш мақсадида ҳужжатлар қабул қилиш, саралаш ва синовлар уюштириш борасида тизимли чора-тадбирларни амалга оширади, грант ғолибларининг ўқиш ва яшаш харажатларини молиялаштиради. Фонд ходимлари ҳар жиҳатдан кўмак кўрсатиш мақсадида стипендия ғолиблари билан доимий мулоқотда бўлиб, юзага келадиган турли муаммоларни ҳал этишга ёрдам беради.

Фонд иқтидорли ёшларга моддий ва маънавий кўмак кўрсатиб, уларнинг ижодий қобилиятини рўёбга чиқаришга ҳисса қўшади.

 

Батафсил маълумот учун:
+99871 2373420, +99871 2373813
e-mail: info@fondkarimov.uz
Telegram-канал

Кўп бериладиган саволларга жавоблар

Fikr bildirish yopilgan.