АҚШнинг Лос-Анжелес шаҳрида Шарқнинг буюк мутафаккири ва Мовароуннаҳр ҳукмдори Мирзо Улуғбек ҳаёти ва илмий мероси ҳақида ҳикоя қилувчи “Улуғбек. Осмон тоқига қўйилган нарвон” тарихий ҳужжатли фильмининг тақдимоти бўлиб ўтди.

Ушбу фильм Лола Каримова-Тилляева ва унинг турмуш ўртоғи Тимур Тилляевнинг продюсерлиги остида режиссёр Баҳодир Юлдошев томонидан суратга олинган.

Лос-Анжелесдаги тақдимотда 1969 йилда “Аполлон 11” миссияси доирасида Ой юзига иккинчи бўлиб қадам босган афсонавий америкалик астронавт Базз Олдрин ва тарихий кинолентада бош ролни ижро этган актёр, жаҳон киноси юлдузи Арманд Ассанте иштирок этдилар.

Мазкур киноасар 2017 йилда 74-чи Халқаро Венеция кинофестивалида “Энг яхши хорижий ҳужжатли фильм” номинациясида нуфузли «Кинео» мукофотига сазовор бўлди, Италиянинг Искья оролида бўлиб ўтган халқаро кинофестивалда эса “Энг яхши ҳужжатли фильм” номинациясида ғолиб бўлди.

Мазкур йилнинг сентябрь ойида 
“Улуғбек. Осмон тоқига қўйилган нарвон” фильмини ўзбек тилида текин кўришингиз мумкин бўлади. Тафсилотлар ҳақида сизга алоҳида хабар берамиз, хамда Фейсбук ва Инстаграмдаги саҳифаларимиз орқали 
ҳаволаларни маълум қиламиз. 

Ҳозир эса ҳужжатли фильмни инглиз тилида Amazon ва Vimeo сайтларида қуйидаги ҳаволалар орқали кўриш мумкин:
http://bit.ly/2K5Y6NA. 
https://amzn.to/2ttpb2y