Каримов Фондининг 2020 йилги грант ғолиблари учун семинарлар
Шу ҳафта Каримов Фонди томонидан 2020 йилги таълим грантлар ғолибларини чет элда муваффақиятли ўқишига йўналтирилган семинарлар ўтказилди. Семинарларда академик ёзув, визага боғлиқ бўлган ҳужжатларни тайёрлаш, ўқишга кетиш арафасида турар-жой танлаш, университетнинг рўйҳатидан ўтиш, яшаш гувоҳномасини олиш масалалари муҳокама қилинди.
Тайёрлов семинарлар ҳар йили Фонд мутахассислари томонидан олиб борилади. Шунингдек, виза масалалари бўйича маслаҳат бериш учун чет эл элчихона ҳодимлари ҳам таклиф қилинади.
Каримов Фондининг таълим грантлари 2016 йилда Мустақил Ўзбекистон асосчиси ва Биринчи Президенти Ислом Каримов хотирасига бағишлаб ташкил этилган. Сўнгги 4 йил мобайнида, Каримов Фонди томонидан 36 нафар ўзбекистонлик йигит ва қизларга Германия, Франция, Италия, Швейцария, Россия ва Польшанинг пешқадам олийгоҳларида магистратура дастури бўйича икки йил давомида таҳсил олиш имконияти берилди.