Каримов Фонди таълим грантининг 2017 йилги соҳиби Махкамова Лазизахон Москва архитектура мактабининг икки йиллик магистратурасини муваффақиятли битириб, Ўзбекистон равнақи йўлида ўз билим ва тажрибасини қўллай бошлади.
Лазизахон ҳозирги кунда олиб бораётган фаолияти ҳақида мазкур интервьюда батафсил сўзлаб беради.

Каримов Фондининг таълим грантлари 2016 йилда Мустақил Ўзбекистон асосчиси ва Биринчи Президенти Ислом Каримов хотирасига бағишлаб ташкил этилган. Сўнгги 4 йил мобайнида, Каримов Фонди томонидан 36 нафар ўзбекистонлик йигит ва қизларга Германия, Франция, Италия, Швейцария, Россия ва Польшанинг пешқадам олийгоҳларида магистратура дастури бўйича икки йил давомида таҳсил олиш имконияти берилди.